مياة الديتوكس هى عبارة عن مزيج من الفاكهة المقطعة وبنضيف عليها المياة وبنسيبها لفترة زمنية عشان المياة تاخد الفيتامينات الموجودة ف الفاكهة كثير هيقولو مانشرب عصير احسن !هقولهم ان الجسم بيتعامل مع العصير بشكل مختلف تمام عن المياة ودة لأن العصير بيعامل معاملة الاكل بيدخل ف عملية الهضم انما المياة بتدخل لخلاية الجسم والعضل ع طول من غيرما تاخد وقت ف الهضم برضو لسة ماوصلناش للفايدة الفائدة بقى ان المياة لوحدها اصلا ف غاية الاهمية للجسم وبالذات العضلات مابالك بقى لو المياة دى مشبعة بالغيتامينات الحارقة للدهون زى الحمضيات (الليمون والبرتقال والجريب فروت )او الالياف (التفاح والخوخ والفراولة والخيار )او الفاكهة الابيكون فيها نسبة سكر وبتزودنا بالطاقة زى التوت بأنواعة والمانجة والكيوى كتير بنسأل عن طريقة عمل مياة الديتوكسdetox waterالموضوع اسهل مما تتخيلو اولا تحددو الكمية يعنى لو زجاجة 600مل ونقول هنعمل ديتوكس تفاح ع ليمون هيبقى .. نصف تفاحة و3 شرائح ليمون وتتساب ف التلاجة لمدة من ساعة ونصف الى 3 ساعات مع العلم انها مع الوقت طعمها مع الليمون بيبقى مر بس بتكون الفائدة اكبر وللناس الى مش بتستحمل الطعم المر تحط نصف ملعقة عسل
